Huiskos deur Herman Lensing verskyn vandeesmaand by Penguin Random House SA!

Die bekroonde sjef en skrywer het ’n voorsmaak daarvan op Facebook gedeel:

Huiskos is Herman se sesde kookboek en volg op die uiters suksesvolle Dit Proe Soos Huis (Human & Rousseau) wat in 2019 verskyn het en in 2020 benoem is deur die SA Boekpryse vir beste niefiksieboek. Huiskos vertel – in sy eie woorde – die storie van Herman se 34 jaar op hierdie aarde. Anders as in sy ander boeke deel hy hierdie keer ook resepte wat hy by sy vriende leer ken het en by mense op vele reise deur Suid-Afrika.

Huiskos bevat meer as 80 resepte, van ontbyt tot hoofgeregte, van bykosse tot vleisgeregte, van koeke, koekies en beskuit tot nageregte (soos trifle, roomys en selfs basaarpoeding). Elke hoofstuk weerspieël Herman se liefde vir kos en vir mense, met staaltjies waarin jy jou kan verkneukel. Dis alles pretensielose resepte met bestanddele wat jy van Pretoria tot in Pofadder kan kry. Huiskos is nes jy Herman se kombuis ken: kos wat almal kan saamkook.

Ook in Engels beskikbaar as Home Cooking.

 

Categories Afrikaans Cookery Non-fiction South Africa

Tags Afrikaans Cookbooks Herman Lensing Home Cooking Huiskos Kookboek New books New releases Penguin Random House SA