Gaan hierdie ’n duur les wees?

Wanneer Emma Louw ná ’n motorongeluk haar bewussyn in die hospitaal herwin het sy geen idee wie sy of die aantreklike vreemdeling is wat langs haar bed waak nie. Daniel Swart slaag egter daarin om haar gerus te stel: Sy is au pair vir sy seuntjie Neal en volgens die dokter is haar geheueverlies net tydelik.

Emma is geskok wanneer Daniel haar vertel dat hulle ’n liefdesverhouding het hoewel hy getroud is. Hy oortuig haar om saam met hom terug te keer na sy plaas Omdraai. Op die plaas begin Emma geleidelik grepe uit haar kinderdae onthou, maar oor haar volwasse lewe is daar steeds ’n donker sluier getrek.

Emma besef gou dat sy meer as blote fisieke aantrekkingskrag voel vir die man wat haar met soveel geduld en deernis versorg. Die emosionele verbintenis tussen hulle verdiep en omdat Emma hom vertrou, is sy bereid om sy seksuele fantasieë saam met Daniel uit te leef. Maar gaan hierdie ’n duur les wees?

Oor die outeur

Vita du Preez het reeds in 1996 gedebuteer terwyl sy voltyds as argivaris by die WNNR gewerk het. Daarna het verskeie titels uit haar pen die lig gesien. ’n Man vir Mia was ’n finalis vir die LAPA-liefdesverhaaltoekenning in 2005/2006. Haar huidige reeks oor die Vinkel- & Koljandervrou is baie gewild, want weer put Vita haar inspirasie uit die alledaagse en uit realiteitstelevisie. Haar karakters is gewone mense met wie moderne Afrikaanse vroue van alle ouderdomme kan identifiseer.

Categories Afrikaans Fiction South Africa

Tags Afrikaans Erotika LAPA LAPA Uitgewers New books New releases Skoolgeld Vita du Preez Wênkbrou